Դպրոցականները խորհրդարանում մինչ այդ ներկա էին կառավարության ծրագրի քննարկմանը, որի օրինակով էլ Արտակ Դավթյանը բացատրեց օրենսդիր եւ գործադիր մարմինների գործառույթներն ու փոխհարաբերությունները: Բանախոսը դպրոցի սաներին ծանոթացրեց Ազգային ժողովի կառուցվածքին, Սահմանադրությամբ խորհրդարանին վերապահված լիազորություններին, պատգամավորի ու 12 մշտական հանձնաժողովների աշխատանքներին՝ մանրամասնելով իր գլխավորած հանձնաժողովի գործունեության դաշտը: Երեխաներին հետաքրքրող հարցերն էլ հենց կրթական համակարգին էին վերաբերվում, ինչի շուրջ էլ ծավալվեց անմիջական զրույցը: ՀՀ ԱԺ հասարակայնության եւ տեղեկատվության միջոցների հետ կապերի վարչությունի ց հայտնում են, որ  աշակերտների հետ ԱԺ հանձնաժողովի նախագահը խոսեց նաեւ հանրակրթական հաստատություններում պայմանները բարելավելու պարտավորության մասին՝ ասելով, որ դա պահանջում է ֆինանսական մեծ ռեսուրսներ. հանրապետության 1400 դպրոցների շուրջ 97 տոկոսը պետական է: Զրույցի ընթացքում անդրադարձան շտեմարանների բովանդակությանն ու անհրաժեշտությանը, բուհերում ընդունելությունը տարեցտարի հեշտացնելու միտմանը, ուսուչի սոցիալական պաշտպանվածության եւ այլն խնդիրների: 

Նոյյան տապան  -   Գիտություն եւ տեխնոլոգիաներ