03-07-2013 19:41:34 | Հայաստան | Գիտություն եւ տեխնոլոգիաներ
ՀՀ կրթության և գիտության նախարար Արմեն Աշոտյանն այսօր ընդունել է ՀՀ-ում Հնդկաստանի Հանրապետության արտակարգ և լիազոր դեսպան Սուրեշ Բաբու Թադիպանենիին: Հանդիպման ընթացքում քննարկվել են կրթության և գիտության ոլորտում երկկողմ հետաքրքրություն ներկայացնող մի շարք հարցեր: Անդրադարձ է կատարվել ՀՀ կրթության և գիտության նախարարի առաջիկա պաշտոնական այցին Հնդկաստան, որի ընթացքում նախատեսվում է ստորագրել երկու երկրների կառավարությունների միջև համագործակցության մասին հուշագիր:
Հանդիպման ընթացքում քննարկվել են նաև ուսանողների փոխանակմանը, դիպլոմների, գիտական աստիճաններն ու կոչումները հավաստող փաստաթղթերի փոխճանաչմանը, ինչպես նաև տեղեկատվական տեխնոլոգիաներին, գիտական հանրույթի համագործակցությանը և համատեղ գիտական ծրագրերի իրականացմանն առնչվող այլ հարցեր:
ՀԱՅԵՐԵՆ
Русский
English
Դաս. հայերեն
French
