Microsoft ձեռք է բերում Nokia-ի բջջային հեռախոսների արտադրության բիզնեսը 5,44 մլրդ եվրոյով
03-09-2013 10:20:33 | ԱՄՆ | Գիտություն եւ տեխնոլոգիաներ
Nokia-ն կվաճառի իր բջջային հեռախոսների եւ սմարտ-սարքավորումների արտադրության ստորաբաժանումը: Գործարքը կավարտվի 2014 թ. առաջին եռամսյակում, որից հետո ընկերության 32 հազար աշխատող կտեղափոխվի
Microsoft.
Ֆիննական Nokia-ն, որը հեռախոսների խոշորագույն արտադրողներից մեկն է աշխարհում, Microsoft-ին բջջային հեռախոսների արտադրության եւ սպասարկման՝ Devices & Services ստորաբաժանումը վաճառում է 5,44 մլրդ եվրոյով:
Microsoft-ի սեփականությունն են դառնալու նաեւ վաճառքի եւ մարքեթինգի, դիզայնի եւ եւս երկու բաժիններ:
"Գործարքի ավարտից հետո մենք ակնկալում ենք Nokia-ում ֆինանսական վիճակի բարելավում, ինչպես նաեւ ընկերության եկամտաբերության ավելացում",- ասել է Nokia-ի ֆինանսական տնօրեն Տիմո Իհամուոտիլան (Timo Ihamuotila).
Nokia-ում աշխատում է ավելի քան 123 հազ. մարդ: Ընկերության արտադրանքը ներկայացված է աշխարհի 160 երկրներում: