Աշնանը նվիրված միջոցառումներ՝ Շենգավիթ վարչական շրջանում
06-11-2013 15:42:35 | Հայաստան | Մշակույթ
Աշնանը նվիրված միջոցառումներ կազմակերպվում են Շենգավիթ վարչական շրջանի գրեթե բոլոր կրթամշակութային հիմնարկներում:
Իսկ ահա, շրջանի հ. 5 մշակույթի կենտրոնում <<Ոսկե աշունը>> նշվեց բավականին ինքնատիպ ու հետաքրքիր միջոցառմամբ: Բակի մի անկյունը ձևավորվել էր երփներանգ, ոսկեդեղին տերևներով, որն անչափ ներդաշնակ ու համահունչ էր աշնանային տրամադրություններին:
Իսկ գեղարվեստական խմբերի երգն ու պար, անհատ կատարողների ելույթները բերքառատ աշնան գովք էին և արտահայտում էին վաստակած, աշխատավոր մարդու հրճվանքն ու ուրախությունը:
Երևանի քաղաքապետարանի տեղեկատվության և հասարակայնության հետ կապերի վարչությունից հայտնում են, որ միջոցառման ամենատպավորիչ մասը, թերևս, կենտրոնի <<Տրուբադուր>> թատերական խմբակի` Հովհ. Թումանյանի հեքիաթների մոտիվներով բեմադրված <<Թումանյան.am>> ներկայացումն էր, որը վերջերս արժանացել էր <<Նռան հատիկ>> փառատոնի շնորհակալագրին և ստացել <<Թռիչք>> արձանիկ-մրցանակ: