Բռնցքամարտի Հայաստանի մեծահասակների հավաքականը նվաճել է 11 մեդալ

28-04-2014 16:06:38 | Հայաստան | Սպորտ

Այս օերին բռնցքամարտի Հայաստանի մեծահասակների հավաքականը մասնակցում էր Բելգրադում և Պոդգորիցայում տեղի ունեցող միջազգային մրցաշարերին: Կաշվե ձեռնոցի մեր ուժեղագույն մարզիկները բավականին հաջող են հանդես եկել՝ ընդհանուր առմամբ նվաճելով 11 մեդալ, որոնցից 4-ը՝ ամենաբարձր հարգի :

Պոդգորիցայում պատվո հարթակի ամենավերին աստիճանին են կանգնել 52 կգ քաշային Նարեկ Աբգարյանը և 69 կգ քաշային Արման Դարչինյանը: 75 կգ քաշային Գոռ Ջևելիկյանը և 91 կգ քաշային Նարեկ Մելքոյանը նվաճել են արծաթե մեդալ, իսկ 64 կգ քաշային Գոռ Երիցյանը արժանացել է բրոնզե մեդալի:

Ի դեպ, Պոտգորիցայի միջազգային մրցաշարի լավագույն մարզիկ է ճանաչվել Արման Դարչինյանը, ով իր բոլոր մենամարտերում տպավորիչ հաղթանակներ է տոնել:

Բելգրադում ոսկե մեդալ են նավճել և պատվո հարթակի ամենավերին աստիճանին են կանգնել 64 կգ քաշային Հովհաննես Բաչկովն ու 75 կգ քաշային Արման Հովհիկյանը: Այս մրցաշարում Արմանը ճանաչվել է նաև լավագույն մարզիկ: 69 կգ քաշային Վլադիմիր Մարգարյանը և 81 կգ քաշային Տիգրան Արմենակյանը գրավել են 2-րդ տեղը, իսկ 60 կգ քաշային Արթուր Վարդանայնը և 91 կգ քաշային Ռաֆայել Սիմոնյանը կանգնել են պատվո հարթակի 3-րդ աստիճանին:

Հայաստանի բռնցքամարտի ֆեդերացիայի մամուլի ծառայությունից հայտնում են, որ հայ մարզիկները Հայաստան կվերադառնան այսօր՝ ապրիի 28-ին:

Նոյյան տապան - Սպորտ

Կարդացել են 586 անգամ

https://s1.merlive.am/Noian_Tapan/embed.html?autoplay=false&play

Բռնցքամարտի Հայաստանի մեծահասակների հավաքականը նվաճել է 11 մեդալ

Noyan Tapan TV