Հայաստանում բարձրագույն կրթության որակի ապահովումը`քննարկման առարկա Զագրեբում
16-06-2014 13:25:36 | Խորվաթիա | Գիտություն եւ տեխնոլոգիաներ
Հայաստանում բարձրագույն կրթության որակի ապահովման հիմնական մարտահրավերներն ու միտումներն են քննարկվել միջազգային սեմինարին:
Հունիսի 12-13-ին Խորվաթիայի Զագրեբ քաղաքում կայացավ «Կրթության որակի ապահովումը TEMPUS-ի գործընկեր երկրների բուհերում» խորագրով սեմինարը, որը կազմակերպել էին Եվրոպական հանձնաժողովը և EACEA (The Education, Audiovisual and Culture Executive Agency):
Սեմինարի նպատակն է վեր հանել և քննարկել որակի ապահովման ոլորտում առկա մարտահրավերները և միտումները TEMPUS-ի գործընկեր երկրներում: Մասնավորապես, նպատակն է թիրախավորել այս երկրների կարիքները և քննարկել ներկայում ընթացող բարեփոխումները բուհերի մակարդակով:
Սեմինարին զեկույցով հանդես եկավ ՀՀ «Մասնագիտական կրթության որակի ապահովման ազգային կենտրոն» (ՈԱԱԿ) հիմնադրամի տնօրեն Ռուբեն Թոփչյանը: Զեկույցի թեման էր «Հայաստանում բարձրագույն կրթության որակի ապահովման խնդիրներն անցումային ժամանակաշրջանում: Վստահության ձևավորում»: Թոփչյանը ներկայացրել է որակի ապահովման հիմնական մարտահրավերները, բարեփոխումները, դրանց ազդեցությունը ընդհանուր համակարգի վրա և միտումները Հայաստանում` համեմատական անցկացնելով Արևելյան Եվրոպայի այլ երկրների հետ:
ՀԱՅԵՐԵՆ
Русский
English
Դաս. հայերեն
French
