Կանանց միջազգային օրվա առթիվ ՄԱԿ-ի գրասենյակում բացվել է
Երեւանի գեղարվեստի ակադեմիայի ուսանողների աշխատանքների
ցուցահանդեսը
05-03-2010 15:00:00 | Հայաստան | Մշակույթ
ԵՐԵՎԱՆ, 5 ՄԱՐՏԻ, ՆՈՅՅԱՆ ՏԱՊԱՆ: ՄԱԿ-ի հայաստանյան
գրասենյակում մարտի 5-ին բացվել է Երեւանի գեղարվեստի պետական
ակադեմիայի ուսանողների աշխատանքների ցուցահանդեսը: Այն
կազմակերպվել է ՄԱԿ-ի գրասենյակի աջակցությամբ եւ նվիրված է Կանանց
միջազգային օրվան: Ցուցահանդեսում ներկայացված են ավելի քան 100
աշխատանքներ` գեղանկար, գծանկար, բատիկա, գոբելեն եւ խեցեղեն:
Ըստ ՄԱԿ-ի մշտական համակարգողի պաշտոնակատար Մարիա Դոցենկոյի,
ցուցադրված գործերը ընդգծում են այն փաստը, թե ինչպես է այժմյան
երիտասարդ սերունդը հասկանում կանանց հզորացման, հավասար
իրավունքների ու բոլորի համար հավասար հնարավորությունների խնդիրը:
«ՄԱԿ-ի գրասենյակում իրենց աշխատանքները ցուցադրելու այս
նախաձեռնությունը մեծ հնարավորություն է երիտասարդ նկարիչների
համար: Այն ոչ միայն խրախուսում, այլ հզորացնում է նրանց: Սա նրանց
համար նաեւ ՄԱԿ-ի արժեքների մասին ավելի շատ տեղեկանալու միջոց
է»,- ասել է Երեւանի գեղարվեստի պետական ակադեմիայի ռեկտոր Արամ
Իսաբեկյանը: