Մեկ օրում Հունգարիան Խորվաթիայի հետ սահմանին պարսպ կկառուցի
18-09-2015 18:17:00 | Հունգարիա | Միջազգային
Հունգարիայի վարչապետ Վիկտոր Օրբանը հայտարարել է Խորվաթիայի հետ սահմանին ցանկապատ կառուցելու աշխատանքների մեկնարկի մասին: Այս մասին գրում է lenta.ru-ն` վկայակոչելով Reuters-ին:
Նրա տեղեկացմամբ` ցանկապատի երկարությունը կազմելու է 41 կիլոմետր, այն կառուցվելու է բանակի օգնությամբ:
Պարիսպը նախատեսված է կանխելու Խորվաթիայից դեպի Հունգարիա ապօրինի գաղթյալների հոսքը: Վարչապետն ընդգծել է, որ դա անհրաժեշտ միջոց է: Բուդապեշտը չի ակնկալում Սերբիայի, Խորվաթիայի կամ Արևմտյան Եվրոպայի օգնությունը միգրանտների պատճառով ստեղծաված ճգնաժամում: Հունգարական զինվորականները նախատեսում են ավարտել ժամանակավոր ցանկապատի կառուցման հետ կապված շինարարական աշխատանքներն ուրբաթ երեկոյան, իսկ հաջորդ օրերին ուժեղացնել հսկողությունը: