Առաջին անգամ Արենիում կայանալիք Գինու փառատոնին մասնակցելու են Արցախի 4 գինի արտադրողներ. (Տեսանյութեր)
01-10-2015 12:11:07 | Վայոց ձորի մարզ | Տնտեսություն
Արդեն ավանդույթ դարձած Գինու փառատոնն այս տարի կանցկացվի հոկտեմբերի 2-4-ը Արենի համայնքում, որտեղ ներկայացված կլինեն գործարանային և տնական արտադրության գինիներ:Իսկ բուն միջոցառումը տեղի կունենա հոկտեմբերի 3-ին, ժամը 12:30-ին`«Լինել Ճանաչելի ու ավելի տուրիստական» կարգախոսով :
Այս մասին հոկտեմբերի 1-ին «Նոյյան Տապան»-ի հետ զրույցում նշեց «Արենի փառատոն» հիմնադրամի տնօրեն Նունե Մանուկյանը: :
Նա տեղեկացրեց նաեւ, որ փառատոնը հնարավորություն է տալիս հրավիրել գինու ոլորտի մասնագետներ տարբեր երկրներից , իսկ տնական գինի արտադրողներին` ավելի լուրջ վերաբերվել իրենց գինիների նկատմամբ:
«Արենի փառատոն» հիմնադրամի տնօրենի խոսքերով, այս տարի առաջին անգամ Ղարաբաղի գինեգործները հանրությանը կներկայանան առանձին տաղավարով:« Նոյյան Տապան»-ի թղթակցի այն հարցին, թե փառատոնին հանրության դատին գինու քանի տեսականի է ներկայացվելու, Ն . Մանուկյանը նշեց, որ փառատոնին մասնակցելու է 12 գինի արտադրողներ Հայաստանից եւ 4-ն էլ` Լեռնային Ղարաբաղից»:
ՀՀ էկոնոմիկայի նախարարության զբոսաշրջության վարչության պետ Մեխակ Ապրեսյանի խոսքերով նմանատիպ փառատոնը հայտնի է ոչ միայն Հայաստանում, այլև արտերկրում:Եւ ըստ նրա, այս փառատոնները նպաստում են պետական քաղաքականության մի շարք կարևոր խնդիրների լուծմանը, համայնքներում զբոսաշրջության զարգացմանը և թե՛ ներքին, թե՛ միջազգային շուկայում Հայաստանի՝ մրցունակ զբոսաշրջությամբ ներակայնալուն: Մ. Ապրեսյանն այս փառատոնը կարեւորում է նաեւ նրանով, որ վերջինս թույլ է տալիս համայնքներին ներկայանալ իրենց հնարավորություններով, տնտեսական պոտենցիալով»:
Տեղեկացնենք, որ փաառատոնը կազմակերպվել է «Արենի փառատոն» հիմնադրամի, ՀՀ էկոնոմիկայի նախարարության, Հայաստանի զարգացման հիմնադրամի, Վայոց Ձորի մարզպետարանի, ՀՀ տարածքային կառավարման և արտակարգ իրավիճակների նախարարության, ինչպես նաև Հայաստանի համայնքների միության աջակցությամբ:
Նշենք, որ փառատոնի շրջանակում Արենիում կկազմակերպվեն ավանդական խաղեր, թատերական բեմադրություններ, շոու ծրագրեր: