«Շառլ դը Գոլ» ավիակիրն առաջին հարվածներն է հասցրել ԻՊ-ի դիրքերին Սիրիայում և Իրաքում
23-11-2015 17:29:30 | Ֆրանսիա | Քաղաքական
«Շառլ դը Գոլ» ավիակիրն իրականացրել է առաջին ռազմական թռիչքները Սիրիայում և Իրաքում «Իսլամական պետություն» ահաբեկչական խմբավորման դիրքերին ավիահարվածներ հասցնելու նպատակով:
Ինչպես տեղեկացնում է gazeta.ru-ն, ավիակրի վրա գտնվում են 18 Rafale կործանիչներ, 8 Dassault Super-Etendard գերձայնային ինքնաթիռներ, ինչպես նաև երկու տախտակամածային ինքնաթիռներ հեռահար Hawkeye ռադիոտեղերոշիչ կայանի հայտնաբերման համար:
Ավելի վաղ հաղորդվել էր, որ ֆրանսիական ավիակիրը պատրաստ կլինի մասնակցելու «Իսլամական պետության» դեմ պայքարին նոյեմբերի 23-ից: