Ֆրանսիական Գրենոբլ քաղաքում դպրոցի մոտ արձակված կրակահերթի արդյունքում երկու մարդ է զոհվել, ևս մեկը` ծանր վիրավորվել:

korrespondent.net-ի փոխանցմամբ` ԶԼՄ-ների տվյալներով կրակահերթը տեղի է ունեցել դպրոցի առջևի մայթի վրա: առաջին տղամարդը զոհվել է տեղում, երկրորդը ստացված վնասվածքներից մահացել է հիվանդանոցում, երրորդը` ծանր վիրավորվել է, սակայն աղբյուրի տեղեկացմամբ` նրա կյանքին վտանգ չի սպառնում: Ներկա պահին տարածքը շրջապատված է ոստիկանությամբ, կասկածյալներ դեռևս հայտնաբերված չեն: 

---