ՌԴ ԱԳՆ-ն ամերիկյան զինվորականների տեղակայումը Սիրիայում որակել է անօրինական
27-04-2016 13:28:44 | Ռուսաստան | Միջազգային
Ամերիկյան զինվորականների տեղակայումը Սիրիայի տարածքում անօրինական է: Interfax.ru-ի փոխանցմամբ` այդ մասին հայտարարել է ՌԴ Արտաքին գործերի նախարարությունը:
ՌԴ ԱԳՆ տեղակալ Գենադի Գատիլովը լրագրողների հետ զրույցում նշել է, որ ամերիկյան զինվորականները չունեն սիրիական իշխանությունների թույլտվությունը, հետևաբար նրանց տեղակայումն ապօրինի է:
Ավելի վաղ, ԱՄՆ-ի նախագահ Բարաք Օբաման հայտարարել էր, որ Սիրիա է ուղարկելու լրացուցիչ 250 ամերիկացի զինվորականների:
Ամերիկացի նախագահի պարզաբանմամբ` այդ զորքերը չեն մասնակցելու ռազմական գործողություններում, սակայն զբաղվելու են տեղի ուժերի պատրաստությամբ և աջակցությամբ:
Ներկա պահին Սիրայում են գտնվում ԱՄՆ-ի հատուկ ջոկատայիններից բաղկացած 50 խումբ: Ինչպես տեղեկացվում է, նրանք երկիր են ժամանել, որպեսզի օգնեն տեղի ապստամբներին, սակայն չեն մասնակցելու ռազմական գործողություններին:
Իսկ ԱՄՆ նախագահը բազմիցս ընդգծել էր, որ Սիրիայի ցամաքային գործողություններին ԱՄՆ-ի ուժերի մասնակցության անհրաժեշտություն չի տեսնում:
ՀԱՅԵՐԵՆ
Русский
English
Դաս. հայերեն
French
