Իրաքում հնչած պայթյունների զոհ է դարձել 14 մարդ, իսկ մի քանի տասնյակը` վիրավորվել
02-05-2016 17:03:08 | Իրաք | Հասարակություն
Բաղդադում և նրա մի շարք արվարձաններում հնչած երեք պայթյունների արդյունքում զոհվել է 14 մարդ, իսկ մի քանի տասնյակը` վիրավորվել: tass.ru-ի փոխանցմամբ` մինապատ ավտոմեքենան պայթել է Բաղդադի հարավում` Սադիա շրջանում, արդյունքում զոհվել է 11 մարդ, իսկ վիրավորվել 30-ը: Մեքենայում տեղադրված պայթուցիկը հեռակառավարմամբ գործի է դրվել այն ժամանակ, երբ մոտակայքով անցել է հազարավոր շիա մահմեդականների երթը: Վերջիններս ուղևորվելիս են եղել Բաղդադի հյուսիսում գտնվող «Ոսկյա մզկիթ», որտեղ գտնվում է 7-րդ շիա իմամի գերեզմանոցը:
Երկրորդ ռումբը պայթել է Բաղդադից 25 կմ հեռավորությամբ գտնվող Տարմիա քաղաքում, որտեղ ահաբեկչության զոհ է դարձել երկու մարդ, ևս վեցը վիրավորվել են:
Երրորդ պայթուցիկն աշխատել է Բաղդադից 30 կմ հեռավորությամբ գտնվող Հալիս քաղաքում, որտեղ զոհվել էր մեկ մարդ, իսկ երկուսը` վիրավորվել:
Նշվում է, որ առայժմ հայտնի չէ, թե որ ահաբեկչական խմբավորումն է իրականացրել պայթյունները, սակայն հայտնի է, որ շիա մահմեդականների նկատմամբ հաճախակի ահաբեկչություններ իրականացնում են «Իսլամական պետության» զինյալները:
ՀԱՅԵՐԵՆ
Русский
English
Դաս. հայերեն
French
