Ռուսաստանը չի պատրաստվում զեղչել Բելառուսին տրամադրվող գազի գինը
13-05-2016 18:16:26 | Ռուսաստան | Միջազգային
Ռուսաստանը չի պատրաստվում Բելառուսին տրամադրվող գազը զեղչել: gazeta.ru-ի փոխանցմամբ` այդ մասին հայտարարել է ՌԴ էներգետիկայի նախարար Ալեքսանդր Նովակը: Նա նշել է, որ առայժմ նման մտադրություններ չկան:
Նախօրեին Բելառուսի Էներգետիկայի նախարարությունում հայտարարել էին, որ ցանկանում են երկու անգամ կրճատել ռուսական գազի գինը: Գերատեսչության ղեկավարի կարծիքով` երկիր մատակարարվող ռուսական գազի արդարացի գինը 1000 կիլոմետր խորանարդ գազի համար կազմում է 73 դոլար, այսինքն` երկու անգամ ավելի ցածր ներկա սակագնից:
ՌԴ Էներգետիկայի նախարարության տվյալներով` Բելառուսի ընթացիկ պարտքը ռուսական «Գազպրոմ»-ի առջև 2016 թվականի հունվարից մինչև ապրիլ կազմում է 125 մլն-ից ավելի: