ՆԱՏՕ-ն հավանական չի համարել Ռուսաստանի հետ հնարավոր պատերազմը
16-05-2016 15:28:23 | | Միջազգային
ՆԱՏՕ-ի համատեղ ուժերի աշխատակազմի ղեկավար Սալվադոր Ֆարինան հայտարարել է, Բալթյան տարածաշրջանում Ռուսաստանի վտանգավոր վարքը կարող է պատճառ դառնալ որոշ միջադեպերի, սակայն լայնամասշտաբ պատերազմի հավանականությունն այդքան էլ մեծ չէ: Interfax.ru-ի փոխանցմամբ` Ս. Ֆարինան նշել է, որ առայժմ Ռուսաստանի և ՆԱՏՕ-ի միջև լայնամասշտաբ պատերազմի հավանականություն չի տեսնում:
«Մենք չենք ցանկանում զբաղվել էսկալացիայով: Այն, ինչ մենք անում ենք, դա պաշտպանություն և զսպում է»,- նշել է իտալացի գեներալը:
Վերջին ամսվա ընթացքում ռուսական կործանիչները մի քանի անգամ ուղեկցել են Բալթյան ծովով թռչող ամերիկյան ռազմական ինքնաթիռներին:
Ամերիկացի զինվորականները հաստատում են, որ գաղտնալսումները կատարվել են ոչ անվտանգ կերպով:
Բացի այդ, վերջերս ռուսական "Су-24" կործանիչները մի քանի անգամ թռչել են Քլայպեդու ուղևորվող ամերիկյան USS Donald Cook հակահրթիռային կործանիչի հարևանությամբ: