Ի նշան համերաշխության Օռլանդոյում զոհվածների` Էյֆելյան աշտարակը լուսավորվելու է ԼԳԲՏ դրոշի գույներով
13-06-2016 14:53:42 | Ֆրանսիա | Հասարակություն
Էյֆելյան աշտարակը հունիսի 13-ի գիշերը լուսավորվելու է ԼԳԲՏ համայնքի դրոշի գույներով` ի նշան համերաշխության ամերիկյան Օռլանդոյի գիշերային ակումբում հնչած կրակոցների զոհերի և վիրավորների:
gazeta.ru-ի փոխանցմամբ` այդ մասին իր թվիթերյան էջում գրել է Փարիզի քաղաքապետ Անն Իդալգոն: Վերջինս նշել է, որ Փարիզն Օռլանդոյի հետ է: Նա նաև հաղորդել է, որ Փարիզի քաղաքապետարանի շենքի վրա բարձրացվելու են ԼԳԲՏ շարժման, ինչպես նաև ԱՄՆ-ի դրոշները:
Փարիզյան խորհրդի անդամները մեկ րոպե լռությամբ հարգել են վերոնշյալ գիշերային ակումբում զոհված հիսուն մարդու հիշատակը:
ՀԱՅԵՐԵՆ
Русский
English
Դաս. հայերեն
French
