Զինյալների հետ բախումների արդյունքում չորս իրանցի սահմանապահներ են զոհվել
06-07-2016 19:08:56 | Իրան | Հասարակություն
Չորս իրանցի սահմանապահներ են զոհվել Սիստան և Բելուջիստան նահանգներում զինյալների հետ տեղի ունեցած բախումների ընթացքում: tass.ru-ի փոխանցմամբ` այդ մասին հայտնում է IRNA տեղեկատվական գործակալությունը:
Վերջինիս տվյալներով` սահմանապահ դիրքի հերթափոխը Պակիստանի հետ սահմանակից Ջակիգուր շրջանում անհայտ զինվանց անձանց կողմից հայտնվել է շրջափակման մեջ: Զինված բախման արդյունքում մի քանի հարձակվողներ սպանվել և վիրավորվել են, սակայն չի հստակեցվել սպանված զինյալների թիվը:
Իրանի հարավ-արևելքում գործում է ծայրահեղական «Ջեյշ ալ-Ադլ» խմբավորումը, որն ստեղծվել է 2012 թվականին և դարձել է իրանական անվտանգության ուժերի կողմից մասնատված սունի խմբավորման իրավահաջորդը:
«Ջեյշ ալ-Ադլ» խմբավորման զինյալներն իրականացրել են մի շարք հնչեղ հանցագործություններ, այդ թվում իրանցի զինծառայողների և սահմանապահների առևանգումը և սպանությունը:
Հունիսի 13-ին Իրանի Իսլամական հանրապետության հատուկ ծառայությունները հաղորդել են, որ վերոնշյալ երկու նահանգներում անցկացված հակաահաբեկչական գործողություններ են իրականացվում, որի շրջանակներում զոհվել է մեկ ոստիկան և ոչնչացվել է «Ջեյշ ալ-Ադլ» բխմբավորման հինգ զինյալներ: Վերջիններիս մոտ հայտնաբերվել է մեծ քանակությամբ պայթուցիկ նյութեր, որը վկայել է Իրանի տարածքում դիվերսիա իրականացնելու ծրագրերի մասին: