ԱՄՆ-ն Լատվիայի պաշտպանությունը կհզորացնի հինգ Black Hawk ուղղաթիռներով
13-07-2016 13:50:30 | Լատվիա | Միջազգային
Լատվիայի Լիելվարդեյում գտնվող ռազմաօդային ուժերի բազա չորեքշաբթի և հինգշաբթի կտեղափոխվեն ամերիկացի զինծառայողներ և ԱՄՆ-ի ռազմաօդային ուղղաթիռներ:
Interfax.ru-ի փոխանցմամբ` այդ մասին հայտնել են Լատվիայի պաշտպանության նախարարության մամլո ծառայությունից:
Հաղորդագրության համաձայն` «Ուժեղ Եվրոպա» նախաձեռնության աջակցության և «Ատլանտյան ինքնորոշման» գործողության շրջանակներում Լատվիա են ժամանել 60-ից ավելի զինվորներ ԱՄՆ-ի բանակի ավիացիոն գնդի 501-րդ գումարտակից և հինգ Black Hawk ուղղաթիռներ:
Ամերիկացի զինվորները մարզվելու են ազգային զինված ուժերի զինծառայողների հետ համատեղ և մասնակցելու են միջազգային զորավարժությունների: Լատվիայում նախորդ ռոտացիայի շրջանակներում մասնակցել են ամերիկյան վեց ուղղաթիռներ և 70-ից ավելի զինվորներ:
«Ատլանտյան ինքնորոշում» գործողության շրջանակներում ադաժյան բազայում գտնվել է շուրջ 200 զինծառայող, ինը Abrams տանկ, հինգ Bradley զրահամեքենա և երկու ռազմական տեխնիկա: