Քաբուլում Ամերիկյան համալսարանի վրա կատարված հարձակման արդյունքում զոհերի թիվը հասել է 16-ի
25-08-2016 17:02:09 | Աֆղանստան | Հասարակություն
Քաբուլում Ամերիկյան համալսարանի վրա կատարված զինված հարձակման արդյունքում զոհվել է 16 մարդ, այդ թվում 8 ուսանող: tass.ru-ի փոխանցմամբ` նման տվյալներ է ներկայացնում Աֆղանստանի Առողջապահության նախարարությունը:
Գերատեսչության տարածած հայտարարությունում նաև նշվում է, որ վնասվածքներ ստացել է 53 մարդ:
Նշենք, որ չորեքշաբթի Աֆղանստանի մայրաքաղաքում գործող ուսումնական կենտրոնի շենքի մուտքի մոտ մահապարտ-ահաբեկիչը պայթեցրել էր ինքն իրեն, որից հետո գրոհայինները մուտք էին գործել համալսարանի տարածք: Ավելի ուշ Աֆղանստանի անվտանգության ուժերին հաջողվել էր ոչնչացնել երկու զինյալների:
ՀԱՅԵՐԵՆ
Русский
English
Դաս. հայերեն
French
