Ղազախստանում կասեցվել է երեք ծայրահեղական խմբավորումների գործունեությունը
31-08-2016 15:42:48 | Ղազախստան | Հասարակություն
Արևմտյան Ղազախստանի և Ղազախստանի Ակտոբեի մարզերի տարածքում կասեցվել է երեք արմատական խմբավորումների գործունեությունը:
tass.ru-ի փոխանցմամբ` այդ մասին հաղորդել է հանրապետության Ազգային անվտանգության կոմիտեն:
Հաղորդագրությունում նշվում է, որ արդյունքում խափանվել են արմատականների ծրագրերը իրավապահ մարմինների վրա հարձակվելու մասով, ինչպես նաև ահաբեկչական ակտերը բազմամարդ վայրերում:
Ղազախստանի հատուկ ծառայությունների աշխատակիցները խմբավորման անդամների բնակության վայրերում անցկացված հետախուզության ընթացքում առգրավվել են հրազեն և զինամթերք, ինքնաշեն պայթուցիկ նյութեր, դանակներ, ձեռնոցներ և ծայրահեղական բնույթի ձայնագրություններ, միջազգային ահաբեկչական կազմակերպությունների ատրիբուտներ:
Նաև հայտնաբերվել է հատուկ թուղթ, համակարգչային և պատճենահանման սարքեր, կեղծ թղթադրամային նշաններ, որոնք պատրաստվել են խմբավորումներից մեկի անդամների կողմից իրենց իսկ գործունեությունը ֆինանսավորելու համար:
Նշվում է, որ դատարանի որոշմամբ 10 մարդ ձերբակալվել է Ղազախստանում և 11 մարդ` Ակտոբեի շրջանում: Ձերբակալվածների նկատմամբ նախաքննություն է սկսվել է Քրեական օրենսգրքի մի շարք հոդվածներով:
ՀԱՅԵՐԵՆ
Русский
English
Դաս. հայերեն
French
