2017 թվականին Կանադան ընդունելու է 300 հազար փախստականների
01-11-2016 12:13:35 | Կանադա | Հասարակություն
Հաջորդ տարի Կանադան ընդունելու է շուրջ 300 հազար միգրանտներ: korrespondent.net-ի փոխանցմամբ` այդ մասին հայտարարել է Կանադայում ներգաղթի, փախստականների և քաղաքացիության հարցերով նախարար Ջոն Մակալումը:
Նշված թվաքանակը համապատասխանում է ընթացիկ տարվա սպասվելիք ցուցանիշներին, սակայն պետք է փոխվի Կանադա ժամանող անձանց խմբերի հարաբերակցությունը: Այսպես, 2017 թվականին նախարարի խոսքերով` նախատեսվում է ընդունել ավելի շատ միգրանտներ, որոնք այդ երկիր են ժամանում տնտեսական խնդիրներով և ավելի քիչ փախստականներ: Վերջիններիս թիվը 2017 թվականին նվազելու է` 40 հազարից հասնելով 16 հազարի:
Միևնույն ժամանակ մեծանում է այն մարդկանց թիվը, ովքեր Կանադա են ժամանում իրենց ընտանիքների հետ վերամիավորվելու համար. 2017 թվականին Կանադա կարող են գալ փախստականների 84 հազար բարեկամներ:
Մակալումն ընդգծել է, որ տարեկան 300 հազար միգրանտի ցուցանիշը պետք է լինի առավելագույնը հաջորդ տարիների համար ևս:
ՀԱՅԵՐԵՆ
Русский
English
Դաս. հայերեն
French
