«Իսկանդերների» տեղակայումը Կալինինգրադի մարզում ԱՄՆ-ն համարում է սպառնալիք Եվրոպայի համար
22-11-2016 11:58:42 | ԱՄՆ | Միջազգային
Ռուսաստանի կողմից «Իսկանդեր» և С-400 զենիթահրթիռային համակարգերի տեղակայումը Կալինինգրադի մարզում վտանգ է ներկայացնում Եվրոպայի համար:
Interfax-ի փոխանցմամբ` այդ մասին հայտարարել է ԱՄՆ պետքարտուղարության պաշտոնական ներկայացուցիչ Ջոն Քիրբին:
Նրա խոսքերով` «Իսկանդերների» և С-400 զենիթահրթիռային համակարգերի տեղակայումն այդ վայրում ապակայունացնում է եվրոպական անվտանգությունը: Միևնույն ժամանակ Քիբրին ընդունել է, որ Ռուսաստանն իրավունք ունի տեղակայի իր սովորական և միջուկային զինտեխնիկան սեփական տարածքում: Նա հիշեցրել է, որ ռուսական կողմը բազմիցս խոսել է նման քայլի հնարավորության մասին` ի պատասխան այն մարտահրավերներին, որոնք Քիբրիի կարծիքով պահանջում են նման պատասխան:
Դիվանագետը կոչ է արել Մոսկվային ձերծ մնալ այնպիսի գործողություններից, որոնք չեն ծառայում Եվրաատլանտյան գոտում կայունության և անվտանգության ամրապնդման նպատակին:
ՀԱՅԵՐԵՆ
Русский
English
Դաս. հայերեն
French
