Անգելա Մերկելը կողմ է հանդես եկել Անկարայի և Բրյուսելի միջև բանակցությունների դադարեցմանը կապված Թուրքիայի ԵՄ անդամակցության հետ
30-11-2016 13:12:15 | Գերմանիա | Միջազգային
Գերմանիայի կանցլեր Անգելա Մերկելը կողմ է հանդես եկել դադարեցնել Եվրոպական միությանը Թուրքիայի անդամակցության շուրջ ընթացող բանակցությունները:
tass-ի փոխանցմամբ` նա այդ մասին հայտարարել է Բունդեսթագում Քրիստոնյա-դեմոկրատական միություն կուսակցության նիստի ընթացքում:
Ա. Մերկելը նշել է, որ Թուրքիայում պետական հեղաշրջման փորձից հետո թուրքական իշխանությունների գործողությունները թույլ չե տալիս անցնել բանակցությունների նոր փուլի:
Ինչպես նշում է Bild-ը, կանցլերը խորհուրդ է տվել Քրիստոնյա-դեմոկրատական միություն կուսակցության պատգամավորներին բացատրել տվյալ դիրքորոշումը ընտրական շրջաններում քաղաքացիների հետ շփումների ընթացքում:
Նշվում է, որ նոյեմբերի 24-ին Եվրախորհրդարանի պատգամավորները կողմ են քվեարկել Անկարայի և Բրյուսելի միջև ընթացող բանակցությունների դադարեցմանը:
ՀԱՅԵՐԵՆ
Русский
English
Դաս. հայերեն
French
