Բակո Սահակյանն ընդունել է «Մեսրոպ Մաշտոց» արշավախմբի
ղեկավար Զորի Բալայանին
28-12-2009 16:06:00 | Հայաստան | Քաղաքական
ՍՏԵՓԱՆԱԿԵՐՏ, 28 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: ԼՂՀ նախագահ Բակո
Սահակյանը դեկտեմբերի 27-ին հանդիպում է ունեցել «Մեսրոպ Մաշտոց»
արշավախմբի ղեկավար Զորի Բալայանի եւ «Արմենիա» առագաստանավի
անձնակազմի հետ եւ շնորհավորել նրանց նավարկության առաջին փուլի
հաջող ավարտի կապակցությամբ:
Ըստ ԼՂՀ-ի նախագահի աշխատակազմի Տեղեկատվության գլխավոր
վարչության հաղորդագրության, Բ.Սահակյանը նշել է, որ արշավախմբի
կողմից իրականացվող նախաձեռնությունը առանձնահատուկ նշանակություն
ունի ողջ հայ ժողովրդի համար եւ հանդիսանում է հայի հավատքի,
խիզախության, կամքի եւ միասնականության եւս մեկ վկայություն: