ՀՕՄ-ի ԱՄՆ-ի արեւլյան կառույցը հայտարարում է
«Երիտասարդությանը միավորող ծրագիր»
18-12-2009 16:09:00 | ԱՄՆ | Հասարակություն
ՆՅՈՒ ՅՈՐՔ, 18 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ: Նյու
Յորքի համալսարանում 2010թ. փետրվարի 6-ին կմեկնարկի
«Երիտասարդությանը միավորող ծրագիրը», որի կազմակերպիչն է Հայ
օգնություն միության արեւելյան կառույցը: Ծրագրի նպատակն է մեկ
վայրում համախմբել հայ ուսանողներին տարբեր երկրներից,
հնարավորություն ստեղծել նրանց համար միասին քննարկելու տարբեր
հարցեր եւ արտահայտելու իրանց տեսակետները: Ինչպես տեղեկացնում է
«Հայրենիք» շաբաթաթերթը, ծրագիրն իրականացվել է Բենթլի համալսարանի
դասախոս Ասպետ Քուչիկյանի ջանքերի շնորհիվ, ով արդեն փորձառու է
երիտասարդական ծրագրեր ղեկավարելու գործում ԱՄՆ-ում, Հայաստանում
եւ Միջին Արեւելքում: Ծրագրի շրջանակներում նախատեսված են
դասախոսություններ, քննարկումներ, օրինակ հայ երիտասարդության
ներկայիս մարտահրավերների մասին: Ծրագրի մասնակիցները ապահովված
կլինեն կացարանով, սնունդով եւ տրանսպորտով նյու Յորքում: