Թաիլանդում զբոսաշրջիկներին տեղափոխող նավ է խորտակվել
30-12-2016 15:55:51 | Թաիլանդ | Հասարակություն
Թաիլանդական Պատայա զբոսաշրջային շրջանում նավ է խորտակվել, որով զբոսանքի էին գնացել Հնդկաստանից ժամանած 23 զբոսաշրջիկներ:
korrespondent.net-ի փոխանցմամբ` դեպքը տեղի է ունեցել նախօրերին Սիամյան ծոցի ափերի մոտ:
Նշվում է, որ նավում արտահոսք է սկսվում այն ժամանակ, երբ զբոսաշրջիկները վերադառնում էին Պատայայի մերձակայքում գտնվող ոչ մեծ կղզուց: Ուղևորները, որոնց թվում եղել են նաև երեխաներ, հայտնվել են խուճապի մեջ: Մոտակայքում հայտնված երկու զբոսաշրջային նավերը վերցրել են խորտակված նավի ուղևորներին: Հնդիկների մեծ մասը կապտուկներ են ստացել, իսկ ափին տուժածներին բժշկական օգնություն է տրամադրվել և նրանք վերադարձել են իրենց հյուրանոցներ:
Նավի խորդակման պատճառներն առայժմ հայտնի չեն, դեպքի վայրում հետաքննություն է իրականացվում: