Բակո Սահակյանն ընդունել է դիտորդական առաքելություն իրականացնելու նպատակով Արցախ ժամանած՝ ԱՄՆ-ի, ՌԴ, Կանադայի, Գերմանիայի, Արգենտինայի եւ Ուրուգվայի պատվիրակությունների անդամներին
Բակո Սահակյանն ընդունել է դիտորդական առաքելություն իրականացնելու նպատակով Արցախ ժամանած՝ ԱՄՆ-ի, ՌԴ, Կանադայի, Գերմանիայի, Արգենտինայի եւ Ուրուգվայի պատվիրակությունների անդամներին
21-02-2017 20:13:28 | Արցախ (ԼՂՀ) | Քաղաքական
Նախագահ Բակո Սահակյանը փետրվարի 21-ին ընդունել է Սահմանադրական հանրաքվեի ընթացքում դիտորդական առաքելություն իրականացնելու նպատակով Արցախ ժամանած՝ ԱՄՆ-ի, Ռուսաստանի Դաշնության, Կանադայի, Գերմանիայի, Արգենտինայի եւ Ուրուգվայի պատվիրակությունների անդամներին, որոնց կազմում էին խորհրդարանականներ, դիվանագետներ, քաղաքական գործիչներ, գիտահետազոտական շրջանակների եւ քաղաքացիական հասարակության ներկայացուցիչներ, լրագրողներ:
Երկրի ղեկավարը կարեւորել է արտերկրից ժամանած պատվիրակությունների դիտորդական առաքելության նշանակությունը մեր հանրապետությունում ժողովրդավարական ինստիտուտների ամրապնդման, տարբեր երկրներում Արցախի մասին ճշմարտացի տեղեկությունների ներկայացման եւ երկկողմ հարաբերությունների զարգացման տեսանկյուններից:
Հանդիպումների ընթացքում արծարծվել են նաեւ ԼՂՀ պետականաշինությանը, արտաքին եւ ներքին քաղաքականությանը, տարածաշրջանային գործընթացներին վերաբերող մի շարք հարցեր:
ՀԱՅԵՐԵՆ
Русский
English
Դաս. հայերեն
French
