Իրանում այսօր անցկացվող նախագահական ընտրությունների կապակցությամբ բոլոր ընտրական տեղամասերը բացվել են վաղ առավոտյան: Interfax-ի փոխանցմամբ` քվեարկության տեղամասերը փակվելու են տեղական ժամանակով ժամը 18:00-ին, սական տեղի իշխանություններն ավելի վաղ հաղորդել էին, որ անհրաժեշտության դեպքում ընտրատեղամասերի աշխատանքային ժամը կերկարաձգվի:
Նախագահի պաշտոնի համար պայքարում են չորս թեկնածուներ` երկրի ներկայիս ղեկավար 68-ամյա Հասան Ռոուհանին, արդյունաբերության նախկին նախարար 70-ամյա Մուսթաֆա Հաշեմի Թաբան, Իրանի մշակույթի նախակին ղեկավար 70-ամյա Մուսթաֆա Միրսալիմը և 50-ամյա նախկին գլխավոր դատախազ Էբրահիմ Ռաիսին:
Ինչպես տեղեկացվում է, նախագահական ընտրություններում առաջին քվեարկողներից մեկը եղել է Ռոուհանին:
Վերջինս քվեարկությունից հետո լրագրողների հետ զրույցում նշել է, որ ժողովուրդն ընտրություններին իր մասնակցությամբ որոշելու է երկրի ճակատագիրը:
Ռաիսին ևս քվեարկել է: Համաձայն վերջին հարցումների արդյունքների` հենց Ռոուհանիի և Ռաիսիի միջև է ընթանում հիմնական պայքարը նախագահական աթոռի համար:
Ձայների հաշվարկը սկսվելու է կեսգիշերին, իսկ վերջնական արդյունքների մասին հայտարարվելու է 24 ժամվա ընթացքում ընտրական տեղամասերի փակումից հետո:
Իրանի ներքին գործերի նախարար Աբդոլռեզա Ռահմանի Ֆազլին ավելի վաղ հաղորդել էր, որ քվերակության համար բացվել են 63 հազար ընտրական տեղամաս, որոնց աշխատանքին հետևելու են 70 դիտորդներ: Նա նաև հաղորդել է, որ անվտանգությունն ապահովելու են 350 հազարից ավելի անվտանգության ծառայակիցներ:
ՀԱՅԵՐԵՆ
Русский
English
Դաս. հայերեն
French
