«Սպիտակ արքա» շախմատային ակումբի սաները փայլուն հաղթանակ են տարել ՀՀ IV կարգի որակավորման մրցաշարում
28-03-2018 16:08:09 | Հայաստան | Սպորտ
«Սպիտակ արքա» շախմատային ակումբի սաները փայլուն հաղթանակ են տարել ՀՀ IV կարգի որակավորման մրցաշարում, որն անցկացվել է մարտի 1-10-ը:
Այս մասին մարտի 28-ին լրագրողների հետ հանդիպման ժամանակ տեղեկացրեց նույն ակումբի տնօրեն Գագիկ Հովսեփյանը:
Ըստ նրա՝ «Սպիտակ արքա» շախմատային ակումբի սաները ներկայումս լիարժեք ու քրտնաջան կերպով մարզվում է՝ պատրաստվելով առաջիկայում կայանալիք ավելի բարձր կարգի մրցաշարերի:
Գ. Հովսեփյանի խոսքերով՝ ՀՀ IV կարգի որակավորման մրցաշարին մասնակցել են մինչև 14 տարեկան երեխաներ, ովքեր իրենց դպրոցների չեմպիոններն են:
«Իսկ թե ինչպես եղավ, որ Սամվելը և Տիգրանը մասնակցեցին մրցաշարին ու հաղթեցին, ապա կուզենայի նշել, որ Սամվելը մեր ակումբի կողմից անցկացված ձմեռային օլիմպիադայի հաղթողն է: Որպես մարզիչ՝ կարող եմ ասել, որ նման մրցաշարերում հաղթելու համար անհրաժեշտ են քրտնաջան մարզումներ»,- նկատեց նա:
«Սպիտակ արքա» շախմատային ակումբի սան, ՝ ՀՀ IV կարգի որակավորման մրցաշարի հաղթող Սամվել Սարգսյանը նշեց, որ շախմատով զբաղվում է արդեն 5,5 ամիս:
Չնայած կարճ ժամանակահատվածին՝ տղան հասցրել է սիրել այս սպորտաձևը և չի պատկերացնում իր կյանքն առանց շախմատի:
10-ամյա Տիգրան Ունջյանն էլ ընդգծեց, որ հետագայում անպայման շախմատիստ է դառնալու: