Հայաստանի պետական կամերային նվագախումբը և Հայաստանի պետական կամերային երգչախումբը համերգով հանդես կգան Ֆրանկոֆոնիայի օրերի շրջանակներում
03-10-2018 11:27:06 | Հայաստան | Մշակույթ
Հոկտեմբերի 4-ին, ժամը 19:00 Կոմիտասի անվան կամերային երաժշտության տանը կանցկացվի յուրահատուկ համերգ: Երեկոյին ելույթ կունենան Հայաստանի պետական կամերային երգչախումբը և Հայաստանի պետական կամերային նվագախումբը: Համերգի դիրիժոր՝ ՀՀ արվեստի վաստակավոր գործիչ Ռոբերտ Մլքեյան:
Ծրագրում՝ Գաբրիել Ֆորե «Պավանա», Ֆրանսիս Պուլենկ «Կոնցերտ երգեհոնի, Լարայինների և Գոսերի համար» (մենակատարներ՝ Թերեզա Ոսկանյան- երգեհոն, Հարություն Մկրտչյան- գոս), Ռոբերտ Ամիրխանյան Ֆրանսալեզու երգեր:
Նշենք, որ Ռոբերտ Մլքեյանը հյուրախաղերով ելույթներ է ունեցել Փարիզում (Սեն-Լուի, Սալ Գավո), Լիոնում, Մարսելում, Հալեպում, Դամասկոսում, Լաթակիայում, Թբիլիսիում, Մոսկվայում, Սանկտ- Պետերբուրգում (Սպիտակ դահլիճում, Սմոլնի տաճարում, Գլազունովի դահլիճում), Հանովերում, Ֆրանկֆուրտում, Ստրասբուրգում, Բերգամոյում (Դոնիցետտիի սրահում), Տորոնտոյում, Օտտավայում, Դրեզդենում (Ֆրաուկիրխե տաճարում, Դրեզդենի ֆիլհարմոնիկի հետ):
Մլքեյանի մասնակցությամբ աշխարհահռչակ ECM ձայնագրման ստուդիան թողարկել է ARS POETICA ձայներիզը, որի մասին է ամբողջական ինֆորմացիան տեղադրվել է անգլիական «The Gramophone» երաժշտական կատալոգի էջերում:
Հայաստանի մշակութային կյանքի և երաժշտության մեջ նշանակալի ներդրման համար 1996 թ. պարգևատրվել է «Մովսես Խորենացի» մեդալով: 2008 թ. արժանացել է ՀՀ արվեստի վաստակավոր գործիչի բարձր կոչմանը:
ՀԱՅԵՐԵՆ
Русский
English
Դաս. հայերեն
French
