Գիքորն ու ԲԴԽ-ն...

18-06-2019 15:29:23 | Հայաստան | Իրավունք

<< Գյուղացի Համբոյի տունը կռիվ էր ընկել։

Համբոն ուզում էր իր տասներկու տարեկան Գիքորին տանի քաղաք, մի գործի տա, որ մարդ դառնա, աշխատանք անի։ Կինը չէր համաձայնում։ — Չեմ ուզում, իմ քորփա էրեխին էն անիրավ աշխարքը՝ մի գցի, չեմ ուզում,— լալիս էր կինը։

Բայց Համբոն չլսեց: >> այս տողերով էր սկսում հանրահայտ Գիքորը:

Նույն ոճով կռիվ է ընկել դատական համակարգում:

Մի մասը վստահ է,որ ԲԴԽ նախագահ պետք է դառնա ԱԺ կողմից ընտրվածը,քանի որ Գագիկ Հարությունյանը ընտրվելով ԱԺ-ի կողմից չի պաշտոնավարել մինչև օրենքով սահմանված իր ժամկետի ավարտը,այսինքն ԱԺ-ի կողմից ընտրված անդամը դեռ ունի պաշտոնավարման 3,5 տարի:

Իսկ մյուս մասը վստահ է որ պետք է ԲԴԽ Նախագահ դառնա դատավորների ընդհանուր ժողովի կողմից ընտրվածը:

Փորձենք լուծել Թումանյանական այս վեճը:

Այսպես՝

ՀՀ Դատական օրենսգրքի 84-րդ հոդվածը սահմանում է

1. Հայաստանի Հանրապետության Սահմանադրության 174-րդ հոդվածի 7-րդ մասին համապատասխան` Բարձրագույն դատական խորհուրդն իր կազմից ընտրում է խորհրդի նախագահ` հաջորդաբար Ընդհանուր ժողովի և Ազգային ժողովի կողմից ընտրված անդամներից:

Վերը նշվածից ակնհայտ է,որ ԲԴԽ առաջին Նախագահը պետք է ընտրվեր դատավորների ընդհանուր ժողովի կողմից ընտրվածը,սակայն ընտրվեց Գագիկ Հարությունյանը,որը ընտրված էր ԱԺ-ի կողմից:

Այստեղ աներկբա խախտված է օրենքը:

Եթե այժմ նորընտիր ԲԴԽ-ն փորձի Նախագահ ընտրել կրկին ԱԺ-ի կողմից ընտրված անձին,ապա կշարունակի Սերժի կողմից թույլ տրված խախտումը և կխախտի վերը նշված օրենքով սահմանված հաջորդականության սկզբունքը :

Ինչ վերաբերվում է ԲԴԽ Նախագահի պաշտոնավարման հինգ տարուն,ապա նույն հոդվածի 9-չդ կետը սահմանում է ՝

9. Բարձրագույն դատական խորհրդի նախագահն ընտրվում է մինչև որպես Բարձրագույն դատական խորհրդի անդամ իր պաշտոնավարման ժամկետի ավարտը:

Ինչպես տեսնում ենք,օրենսդիրը նշել է,ոչ թե հինգ տարի ,այլ պաշտոնավարման ժամկետի ավարտ:

Սրանից էլ ակնհայտ է,որ Գագիկ Հարությունյանի պաշտոնավարման ժամկետը ավարտվել է իր հրաժարականը ՀՀ Նախագահի կողմից ստորագրելու պահից:

Ամփոփելով Դատական Համակարգի Թումանյանական վեճը պետք է արձանագրել,որ նոր ԲԴԽ ում պետք է նախագահ ընտրվի դատավորների ընդհանուր ժողովի կողմից ընտրվածը,դրանով կվերականգնվի օրենքի պահանջը,որը խախտվել էր նախկին ռեժիմի կողմից Գագիկ Հարությունյանին նշանակելու փաստով:

Ի դեպ Գագիկ Հարությունյանի սահմանադրության և Դատական Օրենսգրքի խախտումներով ԲԴԽ անդամ,իսկ այնուհետ Նախագահ նշանակելը ի սկզբանե կասկածի տակ է դնում նախկին ԲԴԽ-ի լիգիտիմությունը,նրա որոշումների օրինականությունը:

Սրանից էլ բխում է,որ ԲԴԽ-ի կողմից կարգապահական տույժի ենթարկված դատավորները կարող են այս հիմքով վիճարկել և չեղյալ հայտարարել իրենց տույժի ենթարկելու հակասահմանադրական ԲԴԽ-ի որոշումները:

Ամփոփեմ՝

Համբոն արհամարեց իր կնոջը և Գիքորին տարավ քաղաք,հենց դա էլ կործանեց Գիքորին:

Սերժը արհամարեց օրենքը, ԲԴԽ տարավ Գագիկ Հարությունյանին,նրան նշանակեց Նախագահ և հենց դա էլ կործանեց ԲԴԽ-ն:

Հուսանք նոր ԲԴԽ-ն ականջալուր կլինի օրենքին և կրկին չի թույլ տա Համբոյի սխալը և չի կործանի ԲԴԽ-ն:

Արտակ Գալստյան

Իրավապաշտպան

Նոյյան տապան - Իրավունք