Հայ Առաքելական Եկեղեցու ներկայացուցիչը մասնակցում է
Կրակովում անցկացվող միջեկեղեցական համագումարի աշխատանքներին
07-09-2009 19:00:00 | Լեհաստան | Հասարակություն
ԿՐԱԿՈՎ, 7 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Լեհաստանի Կրակով
քաղաքում սեպտեմբերի 6-ին աշխատանքն է սկսել Ս. Էջիդիոյի
խաղաղարարական միջազգային 22-րդ համագումարը` «Երկրորդ
Համաշխարհային պատերազմից 70 տարի անց. հավատքներն ու մշակույթները
երկխոսության մեջ» թեմայով: Համագումարի նպատակն է երկխոսության
կամուրջներ բացել տարբեր կրոնների եւ մշակույթների միջեւ:
Ըստ Մայր Աթոռ Սբ. Էջմիածնի Տեղեկատվական համակարգի
հաղորդագրության, համագումարում Հայ Առաքելական Եկեղեցին
ներկայացնում է Ֆրանսիայի հայոց թեմի առաջնորդ եւ Արեւմտյան
Եվրոպայի Հայրապետական պատվիրակ Տ. Նորվան արքեպիսկոպոս Զաքարյանը,
ով հանդես կգա նաեւ բանախոսությամբ:
Համագումարն աշխատանքը կավարտի սեպտեմբերի 8-ին: