Հայաստանը կողմ է թմրամիջոցների դեմ պայքարի գործում
տարածաշրջանի երկրների միջեւ համագործակցության ձեւավորմանը
16-06-2009 17:00:00 | Հայաստան | Քաղաքական
ԵՐԵՎԱՆ, 16 ՀՈՒՆԻՍԻ, ՆՈՅՅԱՆ ՏԱՊԱՆ: Ընդունելով հունիսի 16-ին
Հարավային Կովկասում թմրամիջոցների դեմ պայքարի ծրագրի
տարածաշրջանային համակարգող Գրեգորի Կոննորի գլխավորած
պատվիրակությանը, Հայաստանի Ազգային անվտանգության խորհրդի
քարտուղար Արթուր Բաղդասարյանը հայտարարել է, որ Հայաստանը կողմ է
թմրամիջոցների դեմ պայքարի գործում տարածաշրջանի երկրների միջեւ
համագործակցության ձեւավորմանը: Նա տեղեկացրել է, որ համաձայն
«Հայաստան-Եվրոմիություն գործողությունների ծրագրի» կատարումն
ապահովող 2009-2011 թվականների միջոցառումների ծրագրի ստեղծվել է
աշխատանքային խումբ, որը կմշակի թմրամիջոցների դեմ պայքարի ազգային
ծրագիր:
Ըստ Ազգային անվտանգության խորհրդի աշխատակազմի մամուլի
ծառայության, կողմերը պայմանավորվել են համագործակցել ազգային
ծրագրի մշակման գործում: