ԵՊՀ ուսխորհրդի նախագահ Դավիթ Ափոյանը բերման է ենթարկվել ոստիկանություն
24-12-2019 13:55:48 | Հայաստան | Իրավունք
Երևանի պետական համալսարանի ուսանողական խորհրդի նախագահ Դավիթ Ափոյանը տարվել է ոստիկանություն: Նրան բերման են ենթարկել հենց ԵՊՀ-ից: Այս մասին է վկայում ԵՊՀ ուսանողների հետ տարվող աշխատանքների կենտրոնի տնօրեն Վահագն Վարագյանի հրապարակած տեսանյութը:
Ոստիկանության հասարակայնության հետ կապի և լրատվության վարչությունից տեղեկացնում են, որ Ափոյանը բերման է ենթարկվել հարուցված քրգործի շրջանակներում։
Վարագյանի տեղեկացմամբ՝ Ափոյանին բերման ենթարկելը կապված է անցած շաբաթ իրավաբանության ֆակուլտետի շենքի բակում դեկտեմբերի 20-ին հնչած կրակոցների դեպքի հետ: