Հունիսի վերջին կարող է ընդհատվել գազի տարանցումը դեպի
Եվրոպա
04-06-2009 16:20:00 | Ֆինլանդիա | Միջազգային
ՀԵԼՍԻՆԿԻ, 4 ՀՈՒՆԻՍԻ, ՆՈՅՅԱՆ ՏԱՊԱՆ: Գազի ոլորտում Ուկրաինայի
հետ առկա խնդիրները կարող են արդեն հունիսի վերջին դեպի Եվրոպա
գազի տարանցման ընդհատման պատճառ դառնալ, հայտարարել է ՌԴ վարչապետ
Վլադիմիր Պուտինը Հելսինկիում ֆինն վարչապետ Մատտի Վանհանենի հետ
բանակցություններից հետո:
«Ես եվրոպացի իմ գործընկերների հետ զրուցելիս ուշադրություն
հրավիրեցի այդ խնդրի վրա եւ նրանց խնդրեցի մեզ մեն-մենակ չթողնել
այդ հարցերի հետ: Մենք նախապես զգուշացնում ենք, որ նման
հակամարտություն կարող է ծագել, դա կարող է հունիսի վերջին -
հուլիսի սկզբին հանգեցնել մեր տրանզիտի լրիվ դադարեցման»,- ասել է
Պուտինը: