Հայաստանում արձանագրվել է կորոնավիրուսի 81 նոր դեպք, ապաքինվել՝ ևս 75 քաղաքացի
25-04-2020 11:34:35 | Հայաստան | Հասարակություն
Ապրիլի 25-ի ժամը 11։00-ի դրությամբ Հայաստանում արձանագրվել է կորոնավիրուսի 81 նոր դեպք, ապաքինվել՝ ևս 75 քաղաքացի։
Այս մասին տեղեկացնում է ՀՀ ԱՆ հիվանդությունների վերահսկման և կանխարգելման ազգային կենտրոն:
Այս պահին հաստատված վարակակիրների ընդհանուր թիվը 1677 է, առողջացածներինը՝ 803։
Փաստացի բուժում է ստանում 846 մարդ, մահերի թիվը 28։
Երեկ ևս արձանագրվել է կորոնավիրուսից մահվան մեկ դեպք։ Պացիենտը եղել է 71 տարեկան և ունեցել է ուղեկցող խրոնիկական հիվանդություններ:
Հիշեցնենք, որ երկրում կորոնավիրուսի տարածումը կանխարգելելու նպատակով դեռևս մարտի 16-ից սահմանվել է արտակարգ դրության ռեժիմ, սահմանափակվել է քաղաքացիների ազատ տեղաշարժը։