Հարավային Կալիֆոռնիայի համալսարանի «Թորնթըն» երաժշտական
կրթօջախում սեպտեմբերին կվերսկսվեն հայկական երաժշտության դասերը
19-06-2009 21:00:00 | ԱՄՆ | Մշակույթ
ԼՈՍ ԱՆՋԵԼԵՍ, 19 ՀՈՒՆԻՍԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ:
Հարավային Կալիֆոռնիայի համալսարանի «Հայկական երաժշտական
մշակույթ» առարկան դասավանդողների եւ համալսարանի «Հայկական
երաժշտության բարեկամներ» խմբի ջանքերով այս տարվա սեպտեմբեր ամսից
համալսարանի «Թորնթըն» երաժշտական կրթօջախում կվերսկսվեն հայկական
երաժշտության դասերը: Ինչպես տեղեկացնում է «Ասպարեզ»-ը, երկու
վարկանիշանոց «MuHL 403» կոչվող առարկան դասավանդելու է Հարավային
Կալիֆոռնիայի համալսարանի պրոֆեսոր Լուսինա Աղբաբյան-Հաբըրթը:
Դասընթացին կարող են հետեւել ոչ միայն ուսանողները:
Թերթից տեղեկանում ենք նաեւ, որ Լոս Անջելեսի վեց
վարժարանների 10-րդ եւ 11-րդ դասարանների աշակերտները մարտի 2-ին
առիթ են ունեցել հայկական երաժշտություն ունկնդրել համալսարանի
«Նյուման» սրահում` «Հայկական երաժշտության բարեկամներ»-ի
նախաձեռնությամբ: