Կորոնավիրուսի տնտեսական հետևանքների չեզոքացման 17-րդ միջոցառման շրջանակում կտրամադրվի 61 դրամաշնորհ
03-09-2020 14:27:07 | Հայաստան | Հասարակություն
Գործադիրը կատարել է վերաբաշխում պետբյուջեում և փոփոխություններ ու լրացումներ նախկինում ընդունած որոշումներից մեկում՝ Կորոնավիրուսի տնտեսական հետևանքների չեզոքացման 17-րդ միջոցառման պահանջներից ելնելով:
Միջոցառման նպատակը կորոնավիրուսի տարածման հետևանքով ՀՀ բարձր տեխնոլոգիաների ոլորտի առանձին տնտեսավարողների մոտ առաջացած դժվարությունների հետևանքով արդյունավետ աշխատատեղերի պահպանությանն օժանդակությունն է:
Նկատի ունենալով, որ ծրագիրն իրագործվելու է 2020 թ. պետբյուջեով հաստատված «Բարձր տեխնոլոգիական արդյունաբերության էկոհամակարգի և շուկայի զարգացման» ծրագրի «Գաղափարից մինչև բիզնես» միջոցառման շրջանակում, անհրաժեշտություն է առաջացել նշված միջոցառման առկա ողջ չօգտագործված 888 մլն դրամն ուղղել 17-րդ միջոցառմանը:
Ծրագրի շրջանակում նախատեսվում է շուրջ 61 դրամաշնորի տրամադրում: