Մարտի 20-ին տեղի կունենա «Արդշինինվեստբանկ»-ի «Եղեգնաձոր»
մասնաճյուղի վերաբացումը
19-03-2009 18:00:00 | Հայաստան | Տնտեսություն
ԵՐԵՎԱՆ, 19 ՄԱՐՏԻ, ՆՈՅՅԱՆ ՏԱՊԱՆ: Մարտի 20-ին տեղի կունենա
«Արդշինինվեստբանկ»-ի վերանորոգված եւ բարեկարգված «Եղեգնաձոր»
մասնաճյուղի վերաբացումը: Մասնաճյուղը հագեցված է ժամանակակից
որակյալ տեխնիկայով եւ պատրաստ է իր հաճախորդներին մատուցել արագ
եւ հուսալի բանկային ծառայություններ: «Եղեգնաձոր» մասնաճյուղը
սպասարկում է մոտ 3000 հաճախորդներ, որոնց թվում են ինչպես պետական
եւ մասնավոր կազմակերպություններ, այնպես էլ շարքային քաղաքացիներ:
«Եղեգնաձոր» մասնաճյուղի վերաբացման հանդիսավոր արարողությանը
մասնակցելու նպատակով Եղեգնաձոր կմեկնեն բանկի խորհրդի նախագահ
Կարեն Սաֆարյանը, Վարչության նախագահի ժամանակավոր պաշտոնոկատար
Սերգեյ Վիրաբյանը, դեպարտամենտի տնօրեններ, ստորաբաժանման
ղեկավարներ: