Գյումրի քաղաքի «Երեխաների տուն» կոչվող ՊՈԿ-ի թվով-166 «Երեխաների  և նրանց  օրգանների  վաճառքի» վերաբերյալ՝ ենթադրյալ հանցագործության մասին  հաղորդում եմ  հասցեագրել ՀՀ ԱԱԾ նախկին պետ՝ Արթուր Վանեցյանին: Հաղորդումն ուղարկվել էր  ԱԱԾ  Շիրակի մարզային վարչություն և  շուրջ  երկու ամիս մատնվել կասկածելի անգործության: Նաև խիստ կասկածելի  հանգամանքներում  հաղորդումը ԱԱԾ Շիրակի մարզային վարչությունից վերահասցեագրվել է Գյումրի քաղաքի ոստիկանության Մուշի  բաժին: Որտեղ հետքննիչ Վ.Հայրապետյանի կողմից  նախապատրաստվել են նյութեր և որոշում կայացվել քրեական գործ հարուցելը մերժելու մասին:Հետաքննիչի կայացրած որոշման դեմ օրենքով նախատեսված կարգով բողոք եմ տարել Շիրակի մարզի  դատախազ Կարեն Գաբրիելյանին: Շիրակի մարզի դատախազության դատախազ՝ Վահե Միրզոյանի որոշմամբ մերժվել է իմ բողոքը  և հաստատվել հետքննիչի Քրեական գործ հարուցելը մերժելու մասին որոշման օրինականությունը:

 

Մինչդեռ  նախապաատրաստված նյութերն ամբողջ ծավալով հեղեղված են իբր մահացած երեխաների վերաբերյալ  չստորագրված, չկնքված, չհաստատված,  հիմնականում որպես մահվան պատճառ ՝ «Օրգանիզմի ուղեղային կախեքսիա» ախտորոշմամբ ՝ «Մահվան  փաստը հավաստող բժշկական վկայականներ»-ով՝  տրված Գյումրի քաղաքի «Պաթոլոգոանատոմիական լաբորատորիա» ՓԲԸ –ի  կողմից:Առկա են են նաև իբր մահացած երեխաների «Մահվան ակտի գրանցման վերաբերյալ» տեղեկանքներ`տրված Գյումրու տարածքային բաժնի  ՔԿԱԳ  բաժնի (Զագսի)  կողմից՝  չկնիքված, չստորագրված և այլ կասկածելի փաստերով:  

 

Համաձայն  հետաքննիչի կողմից կազմած արձանագրության և ըստ վերջինի բառերի՝ Շիրակ Գյուղի հարակից տարածքում  գտնվող գերեզմանոցում, մանկատան երեխաների հուղարկավորության համար նախատեսված հատվածում՝  ԹՎՈՎ_166  մահացած երեխաների  վերաբերյալ հայտնաբերել  և արձանագրել է ընդամենը «Մի քանի գերեզմանաթումբ»: 

«Երեխաների և նրանց օրգանների վաճառքի» վերաբերյալ  Քրեական գործ հարուցելը մերժելու մասին որոշման դեմ Բողոք եմ տարել Շիրակի մարզի  առաջին ատյանի ընդհանուր իրավասության դատարան: Շիրակի մարզի առաջին ատյանի ընդհանուր իրավասության դատարանը նախագահությամբ դատավոր Ջոն Հայրապետյանի՝ բավարարել է իմ  բողոքը և վերացրել Գյումրի քաղաքի Մուշի բաժնի հետաքննիչ Վարդուհի Հայրապետյանի  «Քրեական գործ հարուցելը մերժելու մասին որոշումը» :Դատարանի կողմից  Քրեական գործ հարուցելը մերժելու մասին որոշման վերացումը պարտադիր է դարձնում դատախազի կողմից գործի հարուցումը:

 

Չնայած այն հանգամանքին,որ Շիրակի մարզի առաջին ատյանի  դատարանում դատախազ Միհրան Մարտիրոսյանը որևէ հակափաստարկ չկարողացավ  ներկայացնել և կարելի է ասել  ուղղակի փախավ դատարանից, այնուհանդերձ  առաջին ատյանի դատարանի կայացրած որոշման դեմ բողոք է տարել ՀՀ վերաքննիչ քրեական դատարան: Պետք է ասեմ,որ դատախազի վերաքննիչ բողոքը  մի շարք քրեադատավարական նորմերի և ՀՀ վճռաբեկ դատարանի  նախադեպային որոշումների  կույտ է իրենից ներկայացնում, անկախ դրանց  վերաբերելիությունից և անկախ անգամ այն բանից,որ դատախազն  հենց ինքն էլ  խախտել է այդ նորմերը: Վստահեցնում  եմ,որ նախապատրաստված նյութերում առկա փաստաթղթերից վերջինս բացարձակապես տեղյակ չէ: Դատախազի  վերաքննիչ բողոքը  պատրաստվում եմ այն հրապարակայնացնել, որպեսզի  վերջինի  <<մտքի գոհարները>>  հասնելի լինի  արդարադատության համակարգի  պաշտոնատար բաբարոսներին: Մ.Մարտիրոսյանը կամայականորեն արձանագրված թվով-166 մահացած երեխաների  փաստը խեղաթյուրել է, նշել՝ թվով-95 երեխա: Բողոքում  միաժամանակ ամրագրել է, թե՝ օրինակ առաջին ատյանի դատարանը  չի հստակեցրել թվով-95 մահացած յուրաքանչյուր երեխայի մահվան փաստո՞վ պետք է դատախազությունը  քրեական գործ հարուցի, թե՞  բոլոր-95 երեխաներինը  մասին  վերցրած և փաստորեն սպասում, որ դատարանը պետք է հստակեցնի: Այլևս կասկած չի կարող լինել,որ  հայ երեխաների և նրանց օրգանների վաճառքի առանձնապես ծանր հանցագործությունը պարտակելու «պատվավոր հորիզոնականը» զբաղեցնում է  ՀՀ գլխավոր դատախազությունը: Եվ  ես  ողջամիտ կասկածներ ունեմ, որ  ՀՀ գլխավոր դատախազը հերթական անգամ  պատրաստ է  միջամտել և նպաստել սույն գործի պարտակմանը: Կարծում եմ,որ  ՀՀ գլխավոր դատախազներ Գևորգ Կոստանյանը, Արթուր Դավթյանը, Շիրակի մարզի նախկին դատախազներ  Րաֆֆի Ասլանյանը, Կարեն Գաբրիելյանը պետք է ստուգեն իրենց ծագումնաբանությունը՝ պարզելու, թե ի վերջո իրենք թուրք են, թե հայ:

 

ՀՀ վերաքննիչ քրեական դատարանը  Վազգեն Ռշտունու նախագահությամբ՝  2020 թվականի դեկտեմբերի 07-ին քննության է առել  դատախազ Միհրան Մարտիրոսյանի վերաքննիչ բողոքը:  Նույն օրը  վերաքննիչ դատարանը հեռացել է խորհրդակցական սենյակ որոշում կայացնելու, որոշման  հրապարակման օր է  նշանակվել հաջորդ օրը ՝ 2020 թվականի դեկտեմբերի 08-ին՝ մինչև ժամը 15:00-ն:  Սակայն նշված օրը որոշումը չի հրապարակվել:Վերաքննիչ դատարանը դեռևս խորհրդակցական սենյակում է:

 

Կորոնավիրուսի կանխարգելման պատճառով՝ Բարձրագույն դատական խորհրդի կողմից կայացված որոշմամբ, դատական նիստերին լրագրողների և անկախ դիտորդների մասնակցության սահմանափակման հետևանքով՝  բողոքի քննությունը  չի լուսաբանվել:   

 

Հաշվի առնելով այս գործի նկատմամբ հասարակության ուշադրությունն ու հնչեղությունը՝ վերաքննիչ դատարանի որոշման, իսկ անհրաժեշտության  դեպքում  նաև այլ տեղեկություններ  կհայտնեմ   որոշումը  հրապարակվելուն պես:

 

Ռուզան  Ադանալյան

 

 

 

 

 

Նոյյան տապան  -   Իրավունք