Հանրապետությունում հաստատվել է կորոնավիրուսային հիվանդության 1098 նոր դեպք, առողջացել է 1242 քաղաքացի, մահացել՝ 27-ը


Հանրապետությունում հաստատվել է կորոնավիրուսային հիվանդության 1098 նոր դեպք, առողջացել է 1242 քաղաքացի, մահացել՝ 27-ը

  • 16-12-2020 11:16:16   | Հայաստան  |  Հասարակություն

Հայաստանում դեկտեմբերի 16-ի դրությամբ հաստատվել է կորոնավիրուսային հիվանդության 1098 նոր դեպք, առողջացել է  1242 քաղաքացի, մահացել՝ 27-ը:
 
«Արմենպրես»-ի հաղորդմամբ՝ այս մասին նշված է ՀՀ ԱՆ հիվանդությունների վերահսկման և կանխարգելման ազգային կենտրոնի կայքում:
 
Մեկ օրում կատարվել է 3272 թեստավորում: Թեստավորման ընդհանուր թիվն այսպիսով հասել է 554909-ի:
 
Հաստատվել է կորոնավիրուսային հիվանդության ընդհանուր 150218 դեպք, որոնցից 128694-ն` առողջացած, 2556-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 18331 պացիենտ: 
 
Նախորդ օրն արձանագրվել է մահվան 11 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 637 է:
 
Կառավարությունը սեպտեմբերի 11-ին որոշում է կայացրել ՀՀ-ում 2020 թվականի մարտի 16-ին հայտարարված և մինչև սեպտեմբերի 11-ը երկարաձգված արտակարգ դրության ժամկետը սեպտեմբերի 11-ից՝ ժամը 17:00-ից փոխարինել կարանտինով, մինչև 2021 թվականի հունվարի 11-ը ներառյալ:
 
 
Նոյյան տապան  -   Հասարակություն