Հերթական անգամ ապացուցվում է, որ մեր երկիրը բռնազավթված է․ Վարուժան Ավետիսյան
24-02-2021 13:07:21 | Հայաստան | Մամլո հաղորդագրություն
«Սա ՀՀ նկատմամբ կայացված դատավճիռ է, հասկանալի է, որ ժողովրդի ընդվզումից վախենալու պատճառով Սմբատ Բարսեղյանին ցմահ պատժաչափ չտրվեց։ Իսկ Արմեն Բիլյանի մասով այնքան խեղկատակ ու անհեթեթ էր մեղադրանքը»,- լրագրողների հետ ճեպազրույցում ասաց «Սասա ծռեր» խմբի անդամ Վարուժան Ավետիսյանը։
Նշենք, որ դատարանն այսօր հրապարակել է խմբի անդամների դատավաճիռները։ Վարուժան Ավետիսյանը, մասնավորապես, դատապարտվեց 9 տարի 6 ամիս ժամկետով ազատազրկման։ Նշանակված պատժում հաշվակցելով նախաքննության և դատաքննության ընթացքում կալանքի տակ գտնվելու ժամկետը՝ վերջնական պատիժ նշանակվեց 7 տարի 4 ամիս ազատազրկում։
Վարուժան Ավետիսյանն ասաց․ «Հերթական անգամ ապացուցվում է, որ մեր երկիրը բռնազավթված է, և գաղութային ադմինիստրացիային հեռացնելը և ազգային կառավարություն ձևավորելը թիվ մեկ խնդիրն է հայության, որովհետև մենք արդեն գոյութենական աղետալի վիճակի մեջ ենք։ Մեր ազգը պետք է ապացուցի իր ապրելու իրավունքը»։
Ըստ նրա՝ Արցախը հանձնելուց հետո այս «խամաճիկային ու ազգադավ կառավարությունը կարծես հայությանը վերացնելու նպատակ է հետապնդում»։
ՀԱՅԵՐԵՆ
Русский
English
Դաս. հայերեն
French
