Ջո Բայդենը հայտարարել է արտակարգ դրություն ազգային անվտանգության ոլորտում՝ ՌԴ գործողությունների պատճառով
15-04-2021 18:40:48 | ԱՄՆ | Միջազգային
ԱՄՆ նախագահ Ջո Բայդենը հայտարարել է արտակարգ դրություն ազգային անվտանգության ոլորտում Ռուսաստանի գործողությունների պատճառով: Ինչպես տեղեկացնում է ՌԻԱ Նովոստի գործակալությունը, այդ որոշումը հիմք կծառայի՝ Ռուսաստանի դեմ պատժամիջոցներ սահմանելու համար։
Ավելի վաղ, ապրիլի 15-ին, Բայդենն արդեն իսկ ստորագրել էր որոշում՝ ՌԴ-ի դեմ պատժամիջոցներ սահմանելու մասին։
Նույն օրը Bloomberg-ը հայտնել էր, որ Վաշինգտոնը մտադիր է 12 ռուսաստանցու և 20 ռուսական կազմակերպություն ներառել «սև ցուցակում» և 10 ռուսաստանցի դիվանագետի վտարել: Որպես պատճառ նշվել են կիբերհարձակումներն ու ընտրությունների ժամանակ Մոսկվային վերագրվող միջամտությունները: Ռուսաստանը բազմիցս հերքել է այս մեղադրանքները:
ՀԱՅԵՐԵՆ
Русский
English
Դաս. հայերեն
French
