Պարտությունը մեզ չի կոտրել և մենք պատրաստ ենք պայքարել. «5165» շարժումը Գեղարքունիքի մարզում էր
11-06-2021 21:10:25 | Հայաստան | Մամլո հաղորդագրություն
«5165» շարժումը քարոզարշավ է անցկացրե; Գեղարքունիքի մարզում։ Քարոզարշավի 5-րդ օրը շարժման ներկայացուցիչներն այցելեցին Գավառ և Մարտունի քաղաքներ, որոնց ընթացքում քաղաքացիները ծանոթանացան քաղաքական ուժի նախընտրական ծրագրին, զրուցեցին շարժման հիմնադիրների հետ, սահմանեցին մարզի համար կենսական նշանակության առաջնահերթությունները, տեղեկանում ենք շարժման տարածած մամու;ի հաղորդագրությունից:
Շարժման առաջնորդ Կարին Տոնոյանը քաղաքացիների հետ անհատական հանդիպումների ժամանակ նշեց, որ պետք է ցույց տալ աշխարհին, որ պարտությունը մեզ չի կոտրել և մենք պատրաստ ենք պայքարել և ոտքի կանգնել:
«Մենք կարևորում ենք մարդու արհեստավարժությունն ու նվիրվածությունը Հայրենիքին։ Ազգային պետության կառուցում և հզորացում հնարավոր է միայն այն դեպքում, եթե երկիրը կառավարում են ազգային նպատակներ ունեցող և այդ ամենն իրականացնելու կամք ունեցող նվիրյալներ»,-նշել է Տոնոյանը:
«5165» շարժումը նպատակ ունի համախմբել ազգային գաղափարախոսությամբ առաջնորդվող բոլոր կիրթ մարդկանց և ստեղծել կենսունակ պետություն։
ՀԱՅԵՐԵՆ
Русский
English
Դաս. հայերեն
French
