«Գալաքսի» ընկերությունների խումբը և Հայաստանում Եվրոպական բիզնես ասոցիացիան քննարկեցին ներդրումային հնարավորությունների ընդլայնման և բիզնեսի զարգացման վերաբերյալ հարցեր

«Գալաքսի» ընկերությունների խումբը և Հայաստանում Եվրոպական բիզնես ասոցիացիան քննարկեցին ներդրումային հնարավորությունների ընդլայնման և բիզնեսի զարգացման վերաբերյալ հարցեր

  • 16-07-2021 18:43:36   | Հայաստան  |  Մամլո հաղորդագրություն

Բիզնեսի կայունությունն ու շարունակականության ապահովումը, միջազգային ներդրումների ներգրավումը, աննախադեպ հասարակական ակնկալիքներն ու սոցիալական բեռը հետպատերազմական Հայաստանի գործարար համայնքի համար առանցքային խնդիրներից են: Այս համատեքստում «Գալաքսի» ընկերությունների խումբը և Հայաստանում Եվրոպական բիզնես ասոցիացիան «բիզնես նախաճաշի» ձևաչափով հանդիպում էին կազմակերպել՝ քննարկելու, թե ինչպես կարող է մասնագիտական հանրույթը միավորել ջանքերը խնդիրներին համակարգային լուծումներ ձևավորելու համար: Հանդիպմանը ներկա էին բիզնես համայնքի մոտ չորս տասնյակ ղեկավարներ, միջազգային կազմակերպությունների ներկայացուցիչներ, ՀՀ-ում հավատարմագրված դիվանագիտական ներկայացուցչությունների ղեկավարներ և այլք։
 
Եվրոպական բիզնես ասոցիացիայի անդամները ողջունեցին Հայաստանում Իտալիայի նորանշանակ դեսպանին Ն.Գ. Ալֆոնսո Դի Ռիսոին, ով բացման խոսքով հանդես եկավ` խոսելով ներդրումային միջավայրի խթանման մասին:
 
«Մեծապես կարևորում ենք եվրոպական բիզնես համայնքի հետ համագործակցությունը ինչպես համատեղ նախագծերի իրականացման, այնպես էլ նոր գաղափարների քննարկման ու գիտելիքի փոխանակման հնարավորությունների տեսանկյունից։ Այս համատեքստում Եվրոպական բիզնես ասոցիացիայի դերը Հայաստանում անգնահատելի է, և այն «Գալաքսի» ընկերությունների խմբի համար առանցքային գործընկեր է հանդիսանում», - ասել է «Գալաքսի» ընկերությունների խմբի համահիմնադիր և գլխավոր տնօրեն Արամ Խաչատրյանը։ 
 
Միջազգային կազմակերպությունների ներկայացուցիչներն ու դեսպանությունների տնտեսական կցորդները հետաքրքրվեցին «Գալաքսիի» բիզնես վերլուծական տվյալներով ու նախագծերով: 
 
Հայաստանում Եվրոպական բիզնես ասոցիացիայի գործադիր տնօրեն Դիանա Սարումովան շնորհակալություն հայտնեց բոլոր մասնակիցներին՝ ընդգծելով միասնական աշխատանքի և միջազգային կառույցների հետ համագործակցության կարևորությունը: Առանձին շնորհակալության խոսքերն ուղվեցին «Գալաքսի» ընկերությունների խմբի ղեկավարությանը տնտեսական զարգացման և աշխատատեղերի ստեղծմանն ուղղված իրենց ներդրման համար: 
 
Նա ողջունեց Հայաստանում Իտալիայի նորանշանակ դեսպանին և շնորհակալություն հայտնեց ակտիվ համագործակցության համար նաև այլ ԵՄ դեսպանությունների տնտեսական կցորդներին՝ նշելով, որ Ասոցիացիան միշտ բաց է առաջարկների և գաղափարների քննարկման համար։ Նա համոզմունք հայտնեց, որ Հայաստանում Եվրոպական բիզնես ասոցիացիան շարունակելու է իր ներդրումն ունենալ Հայաստանի բիզնես միջավայրի զարգացման  և արտաքին ներդրումների խթանման  գործում։
 
Հանդիպման ընթացքում «Գալաքսի» ընկերությունների խմբի բիզնես պորտֆելն ու նախագծերը ներկայացրեց ընկերության ռազմավարության և ինովացիաների գծով տնօրեն Էդգար Կարապետյանը: Ընկերության հաղորդակցության տնօրեն Շուշան Հարությունյանը ներկայացրեց խմբի բիզնես անալիտիկան, հասարակության շրջանում բիզնեսի վերաբերյալ ընկալումների և այլ ինստիտուտների հանդեպ վստահության ինդեքսների վերջին տարվա ցուցանիշները:
 
«Գալաքսի» ընկերությունների խումբը հիմնադրվել է Հայաստանում 1999թ.-ին և իր գործունեության ընթացքում կայացրել է շուրջ 15 բիզնես միավոր Հայաստանում, Վրաստանում և Բելառուսում։ Բոլոր ընկերությունների հաջողության գործոնը եղել է ոլորտային նորարարությունը, թիմային արդյունավետ ներգրավումը և շարունակական կրթության հիման վրա զարգացված պատասխանատու բիզնես մշակույթը։ «Գալաքսի» ընկերությունների խմբի հիմնադիրներն են Արամ Խաչատրյանը, Գուրգեն Խաչատրյանը և Արտյոմ Խաչատրյանը: Ներկայումս «Գալաքսի» ընկերությունների խմբի աշխատակիցների թիվը գերազանցում է երկու հազարը, և սոցիալական պատասխանատվության բազմաբնույթ ծրագրերը կրթության, ինովացիայի և սոցիալական բարելավման ոլորտներում կազմում են ընկերության գործառնական աշխատանքի առանցքային բաղադրիչը։
 
Հայաստանում Եվրոպական բիզնես ասոցիացիան հիմնադրվել է 2015թ. հոկտեմբերին՝ Հայաստանում Եվրոպական միության պատվիրակության աջակցությամբ: Այն հանդիսանում է Եվրոպական Բիզնես Կազմակերպությունների Համաշխարհային Ցանցի անդամ, որը ներկայացնում է Եվրոմիությունից դուրս գտնվող 42 շուկա։
Եվրոպական բիզնես ասոցիացիայի գլխավոր նպատակն է աջակցել Հայաստանում բիզնես համայնքին, թեթևացնել վերջինիս ինտեգրումը, նպաստել Հայաստանի և Եվրոպական միության միջև համագործակցությանը, ինչպես նաև զարգացնել բիզնես միջավայրը, խրախուսել օտարերկրյա ներդրումները և բարելավել համապատասխան օրենսդրական դաշտը:
 
 
 
Նոյյան տապան   -   Մամլո հաղորդագրություն

Նոյյան Տապան. հյուրն է Թերեզա Ասատրյանը
26-10-2021 10:00 | Հեռուստահաղորդում «Նոյյան Տապան»-ում

Նոյյան Տապան. հյուրն է Թերեզա Ասատրյանը

Նոյյան Տապան. «Հատուկ կարծիք» հաղորդաշարը՝ Արմեն Այվազյանի հետ
26-10-2021 11:30 | Հեռուստահաղորդում «Նոյյան Տապան»-ում

Նոյյան Տապան. «Հատուկ կարծիք» հաղորդաշարը՝ Արմեն Այվազյանի հետ

Նոյյան Տապան. հյուրն է իրավապաշտպան Այսեր Իսայանը
26-10-2021 13:00 | Հեռուստահաղորդում «Նոյյան Տապան»-ում

Նոյյան Տապան. հյուրն է իրավապաշտպան Այսեր Իսայանը

Նոյյան Տապան. «Փրկության ուղի» հաղորդաշարը
26-10-2021 14:30 | Հեռուստահաղորդում «Նոյյան Տապան»-ում

Նոյյան Տապան. «Փրկության ուղի» հաղորդաշարը