Իսրայելի խորհրդարանը հաստատել է նոր կառավարությունը
01-04-2009 15:11:00 | Իսրայել | Միջազգային
ԹԵԼ ԱՎԻՎ, 1 ԱՊՐԻԼԻ, ՆՈՅՅԱՆ ՏԱՊԱՆ: Երդում է տվել Իսրայելի
նոր կառավարությունը «Լիքուդ» կուսակցության առաջնորդ Բենիամին
Նեթանյահուի նախագահությամբ: Նրա օգտին է քվեարկել 120 տեղանոց
Կնեսետի պատգամավորների մեծ մասը:
Սա Իսրայելի ամենամեծ կառավարությունն է, որ ներառում է 30
նախարար եւ 7 փոխնախարար: Նախկին կաբինետում ընդամենը 18
նախարարություն էր:
Կառավարող կոալիցիայի մեջ մտել են «Մեր տունը Իսրայելն է»
կուսակցությունը Ավիգդոր Լիբերմանի գլխավորությամբ, «Ավոդան»`
Էհուդ Բարաքի նախագահությամբ, «Բայտ Եհուդի»-ի առաջնորդ Դանիել
Գերշկովիչը, եւ ուլտրաուղղափառ ՇԱՍ-ը, որի խորհրդարանական
խմբակցությունը գլխավորում է Էլի Իշայը: