Երևանում անցկացվում է ՀԱՊԿ ԱԳ, պաշտպանության նախարարների և ԱԽ քարտուղարների համատեղ նիստը

22-11-2022 11:50:55 | Հայաստան | Ի՞նչ է գրում մամուլը

Ազատություն․ Երևանում այսօր անցկացվում է Հավաքական անվտանգության պայմանագրի կազմակերպության (ՀԱՊԿ) Արտգործնախարարների խորհրդի, Պաշտպանության նախարարների խորհրդի և Անվտանգության խորհուրդների քարտուղարների կոմիտեի համատեղ նիստը։

ՏԱՍՍ լրատվական գործակալության փոխանցմամբ՝ ակնկալվում է, որ հանդիպման մասնակիցները կքննարկեն ՀԱՊԿ հավաքական անվտանգության գոտում ստեղծված ռազմաքաղաքական իրավիճակը, նաև ՀԱՊԿ շրջանակում արտաքին քաղաքական, ռազմական և հակաահաբեկչական համագործակցությանն առնչվող որոշումների փաթեթ՝ ուղղված հավաքական անվտանգության համակարգի ամրապնդմանը և հետագա զարգացմանը։

Ինչպես ՏԱՍՍ-ին հայտնել է կազմակերպության մամուլի քարտուղար Վլադիմիր Զայնետդինովը, հանդիպման ընթացքում նախատեսվում է ընդունել մի քանի կարևոր քաղաքական հայտարարություններ, այդ թվում՝ ՀԱՊԿ անդամ երկրների արտգործնախարարների հայտարարությունները միջազգային և տարածաշրջանային անվտանգության և սպառազինությունների վերահսկման հետ կապված:

Վաղը Հայաստանի մայրաքաղաքում անցկացվելու է ՀԱՊԿ գագաթնաժողովը:

ՀԱՊԿ-ին անդամակցում են Ռուսաստանը, Հայաստանը, Բելառուսը, Ղազախստանը, Ղրղըզստանը և Տաջիկստանը:

Լիլիթ Հարությունյան

Նոյյան տապան - Ի՞նչ է գրում մամուլը