ՎԱՇԻՆԳՏՈՆ, 30 ՀՈՒՆՎԱՐԻ, ՆՈՅՅԱՆ ՏԱՊԱՆ: Ամերիկյան Իլլինոյսի
նահանգի նահանգապետ Ռոդ Բլագոեւիչը Սենատի որոշմամբ մեղավոր է
ճանաչվել ծառայողական դիրքի չարաշահման համար եւ ազատվել իր
պարտականություններից, հաղորդում է BBC-ն:
Բլագոեւիչի պաշտոնանկմանը կողմ են արտահայտվել Սենատի 59
անդամներ, դեմ` ոչ ոք: Այդպիսով սենատորները հավանություն են տվել
այն մեղադրանքներին, որ Բլագոեւիչը փորձել է վաճառել այն տեղը
Սենատում, որն ազատվել էր Բարակ Օբամայի ԱՄՆ-ի նախագահ ընտրվելուց
հետո:
Բլագոեւիչը առաջին նահանգապետն է վերջին 20 տարիների
ընթացքում, որ պաշտոնից հեռացվում է իմպիչմենթի ընթացակարգի
արդյունքում:
Բլագոեւիչը ձերբակալվել է 2008 թվականի դեկտեմբերին, այժմ նա
սպասում է դատի` կաշառակերության մեղադրանքով: