ԱՄՆ-ում շարունակվում են Միրզոյան-Բայրամով բանակցությունները
02-05-2023 18:46:06 | Հայաստան | Ի՞նչ է գրում մամուլը
armtimes.com Հայաստանի և Ադրբեջանի արտաքին գործերի նախարարներ Արարատ Միրզոյանի և Ջեյհուն Բայրամովի միջև բանակցային գործընթացը շարունակվում է։
Այս մասին հայտնում են միջազգային լրատվամիջոցները՝ նշելով, որ կողմերի միջև բանակցություններն ընթանում են Վաշինգտոնում, դրանք երեկվա հանդիպումների և քննարկումների շարունակությունն են:
Հիշեցնենք՝ մայիսի 1-ին ԱՄՆ-ում կայացել է ՀՀ ԱԳ նախարար Արարատ Միրզոյանի, ԱՄՆ պետքարտուղար Էնթոնի Բլինքենի և Ադրբեջանի ԱԳ նախարար Ջեյհուն Բայրամովի հանդիպումը: Քննարկվել են տարածաշրջանում ստեղծված անվտանգային իրավիճակի, Հայաստանի և Ադրբեջանի միջև հարաբերությունների կարգավորման գործընթացի հարցեր:
Անդրադարձ է կատարվել Ադրբեջանի կողմից Լաչինի միջանցքի ապօրինի արգելափակման հետևանքով ստեղծված հումանիտար իրավիճակին:
Այդ հանդիպումից առաջ ԱՄՆ պետքարտուղար Էնթոնի Բլինքենը հանդիպել էր ՀՀ ԱԳ նախարար Արարատ Միրզոյանի, այնուհետ Ադրբեջանի ԱԳ նախարար Ջեյհուն Բայրամովի հետ:
ՀԱՅԵՐԵՆ
Русский
English
Դաս. հայերեն
French
