Կարմիր խաչի ուղեկցությամբ 9 բուժառուներ տեղափոխվել են ՀՀ մասնագիտացված բժշկական կենտրոններ

05-09-2023 12:20:02 | Արցախ (ԼՂՀ) | Մամլո հաղորդագրություն

Այսօր՝ սեպտեմբերի 5-ին ԱՀ առողջապահության նախարարության «Հանրապետական բժշկական կենտրոն» ՓԲԸ-ից 9 բուժառու՝ ուղեկցողների հետ միասին, անհետաձգելի մասնագիտացված բժշկական օգնություն ստանալու համար, Կարմիր խաչի միջազգային կոմիտեի միջնորդությամբ և ուղեկցությամբ տեղափոխվել են ՀՀ մասնագիտացված բժշկական կենտրոններ։

Նախատեսվում է օրվա ընթացքում ԿԽՄԿ մեքենաներով Արցախ վերադարձնել 2 բուժառուի, ովքեր ժամանակին պետական պատվերի շրջանակներում ուղեգրվել են ՀՀ բուժում ստանալու համար։

«Արևիկ» բուժմիավորումում այս պահին ստացիոնար բուժում է ստանում 24 երեխա, 7-ը գտնվում է նորածնային և վերակենդանացման բաժանմունքում:

«Հանրապետական բժշկական կենտրոն» ՓԲԸ-ում ստացիոնար բուժում է ստանում 90 հիվանդ, 3 բուժառու գտնվում է վերակենդանացման բաժանմունքում, որից 1-ը ծայրահեղ ծանր վիճակում։

Նոյյան տապան - Մամլո հաղորդագրություն

Կարդացել են 803 անգամ

https://s1.merlive.am/Noian_Tapan/embed.html?autoplay=false&play

Կարմիր խաչի ուղեկցությամբ 9 բուժառուներ տեղափոխվել են ՀՀ մասնագիտացված բժշկական կենտրոններ

Noyan Tapan TV